Saudiya aviazarbalari oqibatida Yamanda 12 kishi halok bo‘ldi

Saudiya Arabistoni harbiy-havo kuchlariga qarashli samolyotlar Yamanning Toiz viloyati markazi Moviyaga bergan zarbalar oqibatida kamida 12 kishi halok bo‘ldi. Bu haqda isyonchi xusiylar vakili Xishom Abdulla ma’lum qilgan, deya xabar beradi “TASS”.

Qurbonlarning 7 nafari bolalar ekanligi bildirilmoqda.

“Zarbalar yoqilg‘i quyish shoxobchasi va uning yaqinida joylashgan savdo markaziga berilgan. Bu arab koalitsiyasi va uning homiylari javob berishi lozim bo‘lgan harbiy jinoyatdir”, — deya ta’kidlagan Xishom Abdulla.