Krishtianu Ronaldu 13 yil ichidagi eng yomon natijasini qayd etdi

“Yuventus” hujumchisi Krishtianu Ronaldu tugallangan mavsumda Italiya chempionatida 21 ta gol urdi.

Portugaliyalik mazkur musobaqaning to‘purarlari bahsida 4-o‘rinni egalladi. U bu borada Fabio Kvalyarella (“Sampdoriya”, 26 ta gol), Duvan Sapata (“Atalanta”, 23 ta gol) va Kshishtof Pyontekdan (“Milan”, 22 ta gol) ortda qoldi.

Ronaldu 2006-yildan buyon ilk marta milliy chempionatda to‘purarlar bahsida kuchli uchlikka kira olmadi. O‘shanda Ronaldu “Manchester Yunayted” safida 9 ta gol urgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!