Rekord: Samsung Galaxy S8 AnTuTu testida barcha smartfonlarni ortda qoldirdi (video)

Hali rasman taqdim etilmagan Samsung Galaxy S8 smartfoni mobil qurilmalar uchun ommabop benchmarklardan birida — AnTuTu’da sinovdan o‘tkazildi. Yangi Samsung flagmani mahsuldorlik bo‘yicha rekord o‘rnatdi, deb yozadi “Hi-tech.mail.ru”.

Bungacha AnTuTu’ning mahsuldorlik reytingida iPhone 7 Plus 184 981 ball bilan yetakchilik qilgan bo‘lsa, Samsung Galaxy S8 205 284 ball natija bilan uni ortda qoldirdi.

Ammo sinov qanday protsessor ustida o‘tkazilgani noma’lum. Mish-mishlarga ko‘ra, Galaxy S8 turli mintaqalar uchun Snapdragon 835 yoki Exynos 8895 chiplari bilan yetkazib beriladi.