» » Saida Mirziyoyeva: Ozbekistonda yagona davlat axborot siyosati togrisidagi konseptual hujjat mavjud emas

Saida Mirziyoyeva: Ozbekistonda yagona davlat axborot siyosati togrisidagi konseptual hujjat mavjud emas


Ozbekiston davlat hokimiyati va boshqaruv organlari matbuot xizmatlarining ish yuritish tartibi, axborot tarqatish usul va mexanizmlari zamon talablariga mutlaqo mos emas. Bu haqda Ozbekiston Axborot va ommaviy kommunikatsiyalar agentligi direktori orinbosari Saida Mirziyoyeva OAV sohasida milliy qonunchilikni yanada takomillashtirishning dolzarb masalalari respublika konferensiyasida qilgan chiqishida toxtalib otdi, deya xabar bermoqda Daryo muxbiri Musulmonbek Ibrohimov.

Saida Mirziyoyevaning takidlashicha, xalq bilan davlat ortasidagi ozaro muloqot qanchalik yaxshi taminlansa, aholining davlat organlariga bolgan ishonchi va hurmati shunchalik ortadi. Shu orinda nima uchun matbuot amalda tortinchi hokimiyat darajasiga kotarila olmayapti, degan savolga, kop omillar qatori vazirlik va idora rahbarlarining matbuot kotibi yoki axborot xizmatlariga nisbatan etiborsiz munosabatini asosiy sabab qilib korsatish mumkin, deydi agentlik direktori orinbosari.

Bu holatlarga barham berish maqsadida 2019-yilning fevralida Prezident tomonidan Axborot sohasi va ommaviy kommunikatsiyalarni yanada rivojlantirishga oid qoshimcha chora-tadbirlar togrisidagi farmoni qabul qilindi. Agentlik zimmasiga, jumladan, davlat va xojalik boshqaruvi organlarining axborot xizmatlari faoliyatini yanada rivojlantirish va bu boradagi normativ-huquqiy hujjatlarni takomillashtirish vazifasi ham yuklatildi.

Mirziyoyeva xonimning qayd etishicha, otkazilgan tahlillar va organishlar ushbu sohada eng asosiy muammo bugungi kunda yagona davlat axborot siyosati togrisidagi konseptual hujjatning mavjud emasligini korsatgan. Hozir ushbu hujjat tayyorlanmoqda, dedi Saida Mirziyoyeva. Ayni vaqtda, yagona davlat axborot siyosatini amalga oshiruvchi axborot xizmatlarining faoliyati yanada faollashtirish va takomillashtirish yolidagi tosiqlar masalasi dolzarb bolib qolmoqda.

Saida Mirziyoyevaning takidlashicha, davlat hokimiyati va boshqaruv organlari matbuot xizmatlarining ish yuritish tartibi, axborot tarqatish usul va mexanizmlari zamon talablariga mutlaqo mos emas. Qoraqalpogiston Vazirlar Kengashi, viloyatlar hokimliklarida axborot xizmatlari faoliyati deyarli olib borilmayapti. Ish hajmlarining kopligi va qoshimcha topshiriqlar bilan bandligi sababli axborot xizmatlari faoliyati qoniqarsiz ahvolda.

Bundan tashqari, 10 dan ortiq respublika darajasidagi davlat tashkilotlarida hamda 200 ga yaqin tuman va shahar hokimliklarida haligacha axborot xizmatlari faoliyati tashkil etilmagan. Davlat tashkilotlarida axborot xizmatlariga yetarlicha shtat birliklari ajratilmagani sababli ishlar nihoyatda sust, ularning mavqei hanuz past.

Kopgina davlat organlarining rahbarlari ushbu muhim masalaga jiddiy etibor qaratmayapti, axborot xizmatlarining moddiy-texnik bazasi yaratilmagan, shtatlar malakali mutaxassislar bilan toldirilmagan, deydi agentlik direktori orinbosari.

Mirziyoyeva xonim koplab davlat organlarining veb-saytlari va ijtimoiy tarmoqlardagi sahifalari, mobil messenjerlar orqali tezkor axborot tarqatish ishlari oqsayotganiga ham etibor qaratdi. Ozbekistonda internetdan foydalanuvchilar soni 20 milliondan ortiq bolgani holda, davlat organlarining veb-saytlariga kiruvchilarning umumiy soni 400 ming, Facebookdagi sahifalariga murojaat qiluvchilar 150 ming, Telegramdagi azolari 300 ming nafardan oshmaydi.

Saida Mirziyoyeva davlat organlari tomonidan axborot tarqatishdagi oqsash malumotlarni xorijiy manbalardan izlashga yoki muammoli murojaatlarni chet el ommaviy axborot vositalari orqali chop ettirib, davlat idoralari etiborini jalb qilishga olib kelayotganini qoshimcha qildi.



Manba: Daryo.uz
: admin (28-05-2019, 12:29)
0 (: 0)
. !

!


vote-icon
?

?
( 27) ( 0) ( 25) ( 2)
:
-
:
20 ... -