Oqdaryoda “Samarqand-Buxoro” yo‘nalishida harakatlanayotgan Isuzu avtobusi yonib ketdi

“Samarqand-Buxoro” yo‘lining Oqdaryo tumani hududidan o‘tuvchi qismida Isuzu avtobusi yonib ketdi, deb xabar berdi IIV Jamoatchilik va OAV bilan aloqalar boshqarmasi.

29-may kuni soat 19:00 larda Samarqand viloyatining Payariq tumanida yashovchi 28 yoshli D.A boshqaruvidagi Isuzu rusumli avtobusni Oqdaryo tumani Mustaqillik MFY hududidan o‘tuvchi “Samarqand-Buxoro” yo‘lining 12-kilometrida boshqarib ketayotgan vaqtida avtobusda yong‘in sodir bo‘lgan.

Ko‘rilgan choralar natijasida yong‘in o‘chirilgan. Jarohat olganlar yo‘q. Yong‘in avtobusning elektr simlari qisqa tutashuvi oqibatida kelib chiqqanligi aniqlangan. Keltirilgan moddiy zarar miqdori aniqlanmoqda. Surishtiruv ishlari olib borilmoqda.