Amerika Kubogida ishtirok etuvchi Peru terma jamoasi tarkibi ma’lum bo‘ldi

Peru terma jamoasi bosh murabbiyi Rikardo Gareka Amerika Kubogida ishtirok etuvchi tarkibni e’lon qildi. Bu haqda mamlakat futbol federatsiyasining Twitter’dagi rasmiy sahifasida xabar berildi.

Ma’lumot uchun, mazkur musobaqa 14-iyundan 7-iyulga qadar Braziliyada bo‘lib o‘tadi.

Peru terma jamoasi guruh bosqichida musobaqa mezboni — Braziliya, Boliviya va Venesuela terma jamoalariga qarshi maydonga tushadi.

Eslatib o‘tamiz, Amerika Kubogining amaldagi chempioni Chili terma jamoasi hisoblanadi.

Darvozabonlar: Pedro Galles, Karlos Kaseda, Patrisio Alvarez

Himoyachilar: Luis Advinkula, Aleksander Kallens, Anderson Santamaria, Migel Trauko, Aldo Korjo, Migel Arauxo, Karlos Zambrano, Luis Abram

Yarim himoyachilar: Yoshimar Yotun, Kristian Kueva, Edison Flores, Renato Tapia,  Xesus Pretell, Paolo Urtado,  Kristofer Gonzales

Hujumchilar: Paolo Gerreyro, Jefferson Farfan, Raul Ruidiaz, Andre Karrillo, Endi Polo

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!