Toshkentda korxona avtomashinasini aldov yo‘li bilan sotgan fuqarolar qo‘lga olindi

Joriy yilning 30-yanvar kuni Toshkent shahar Yashnobod tumanida yashovchi 36 yoshli Sh.X. va Toshkent viloyati Zangiota tumanida yashovchi 45 yoshli J.Q.lar Yakkasaroy tumanidagi Chelsea restorani oldida RentCar korxonasiga tegishli bo‘lgan Malibu rusumli avtomashinasini fuqaro 28 yoshli S.U.ga 23 400 AQSh dollariga sotib, hujjatlarni keyinroq rasmiylashtirib berishini aytib, avtomashinani unga qoldirgan va aldov yo‘li bilan olgan pullarini o‘zlari bilan olib ketgan, bu haqda O‘zbekiston Respublikasi IIV Jamoatchilik va OAV bilan aloqalar boshqarmasi xabar qiladi.

Shu yilning 8-fevral kuni esa yuqoridagi korxona xodimlari fuqaro S.U.ning oldiga kelib, avtomashina hujjatlarini ko‘rsatib, avtomashinani olib ketgan Sh.X. va J.Q.lar qo‘lga olingan.

Holat yuzasidan jinoyat ishi qo‘zg‘atilib, tergov harakatlari olib borilmoqda.