Bektemir Meliqo‘ziyevning professional boksdagi dastlabki raqibi aniq bo‘ldi
Professional boksning super o‘rta (-76,2 kg) vazn toifasida faoliyatini boshlashi kutilayotgan Bektemir Meliqo‘ziyevning 13-iyun kuni Kaliforniyada argentinalik Martin Fidel Riosga qarshi 6 raundlik jangda ringga ko‘tariladi. Bu haqda “Olamsport” xabar berdi.
Ma’lumot uchun, 27 yoshli Rios shu kungacha professional boksda 46 ta jang o‘tkazgan va ularning 23 tasida g‘alaba qozongan bo‘lsa (13 ta nokaut), 19 ta jangda mag‘lubiyatga uchragan (4 ta nokaut). Yana 4 ta jangda esa durangga erishgan.
Qayd etish joiz, u o‘z vaqtida o‘zbekistonlik boshqa bir bokschi Azizbek Abdug‘ofurovga qarshi jangda mag‘lub bo‘lgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz