Gruziyada vertolyot quladi. 3 kishi halok bo‘ldi

Gruziyaning tog‘li Kazbegi tumani hududida vertolyot qulashi oqibatida 3 kishi halok bo‘ldi. Bu haqda “Korrespondent.net” xabar bermoqda.

AQShda ishlab chiqarilgan Bell505 vertolyoti Gruziyada Rooms mehmonxonalar tarmog‘iga egalik qiluvchi Adjaragroup kompaniyasiga tegishli edi. Kompaniya matbuot xizmatiga ko‘ra, vertolyot Kazbegi tumanida joylashgan Rooms Hotel Kazbegi mehmonxonasiga yo‘l olganida halokatga uchragan.

Hodisa oqibatida uchuvchi va ikki nafar mehmonxona xodimi hayotdan ko‘z yumgani bildirilmoqda.