Estoniyaga NATO xalqaro batalyoni uchun jangovar texnikaning birinchi turkumi yetkaziladi

Estoniyaga 22-mart, chorshanba kuni NATO xalqaro batalyoni Britaniya kontingenti uchun og‘ir jangovar texnikaning birinchi turkumi yetkaziladi. Bu haqda “Korrespondent.net” xabar bermoqda. 

Texnika Paldiski portiga dengiz orqali yetkaziladi. Jami 130 ta jangovar texnika, jumladan, Challenger 2 tanklari, Warrior piyoda jangovar mashinalari va yordamchi mashinalar keltirilishi ko‘zda tutilgan. 

Hozirda Estoniyada Buyuk Britaniyaning 200 nafardan ortiq zobit va askari, Fransiyaning 50 nafar harbiy xizmatchisi bo‘lib turibdi. Aprel o‘rtalarida ularning soni tegishli ravishda 800 va 300 kishini tashkil etishi rejalashtirilgan. 

Mamlakatdagi NATO xalqaro batalyoniga Buyuk Britaniya qo‘mondonlik qilishi bildirilmoqda.