O‘zbekistonda dollarning rasmiy kursi 48 so‘m 10 tiyinga oshib, 3548,11 so‘mga yetdi

O‘zbekiston Markaziy banki 2017-yil 23-martdan boshlab valyuta operatsiyalari bo‘yicha buxgalteriya hisobi, statistik va boshqa hisobotlarni yuritish, shuningdek, bojxona va boshqa majburiy to‘lovlari uchun xorijiy valyutalarning so‘mga nisbatan yangi qiymatlarini belgiladi.

Unga ko‘ra, 1 AQSh dollari 3548 so‘m 11 tiyin etib belgilandi. Bu 7-martdagi kursga nisbatan 48 so‘m 10 tiyinga ko‘p.

23-martdan e’tiboran 1 yevro qiymati 3801 so‘m 58 tiyin (14-martdagi kursga nisbatan 91 so‘m 14 tiyin qimmat), 1 Rossiya rubli esa 61 so‘m 99 tiyin (14-martdagi kursga nisbatan 2 so‘m 89 tiyin qimmat) etib belgilangan.

Eslatib o‘tamiz, valyuta qiymatini belgilash chog‘ida Markaziy bank mazkur valyutalarni ushbu qiymatda sotish yoki sotib olish majburiyatini olmagan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!