Rasman: Baxtiyor Ashurmatov “Surxon” bosh murabbiyiga aylandi

“Buxoro” sobiq bosh murabbiyi Baxtiyor Ashurmatov Termizning “Surxon” jamoasini boshqaradi. Bu haqda klub matbuot xizmati xabar berdi.

“Menga bildirilgan ishonch uchun avvalambor “Surxon” futbol klubi rahbariyatiga o‘z minnatdorchiligimni bildiraman. Ishonamanki, biz yuqori maqsadlar sari intilamiz”, — deydi Baxtiyor Ashurmatov.

Ma’lumot uchun, “Buxoro” joriy mavsum Ashurmatov qo‘l ostida 8 ta uchrashuv o‘tkazib, 1 ta g‘alaba, 3 ta durang va 4 ta mag‘lubiyat qayd etdi.

Eslatib o‘tamiz, Ashurmatov o‘tgan mavsumda OKMK klubi bilan O‘zbekiston Kubogini qo‘lga kiritgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!