Toshkentdagi Qoratosh ko‘chasining bir qismida harakat qisman cheklanadi

Shayxontohur tumani Qoratosh ko‘chasida (“Samarqand Darvoza” gipermarketi yonidagi avtomobil yo‘lida) ichimlik suvi quvurida yuzaga kelgan avariya holatini bartaraf etish yuzasidan hozirda “Suvsoz” DUK tomonidan ta’mirlash ishlari olib borilmoqda, bu haqda Toshkent shahar hokimligi matbuot xizmati xabar qiladi.

Shu sababli ushbu avtomobil yo‘lining bir qismi ma’lum muddatga transport vositalari harakati uchun qisman cheklanadi.

Toshkent shahar hokimligi fuqarolardan keltirilgan noqulayliklar uchun uzr so‘raydi.