Toshkentning “Qoratosh” va “Samarqand darvoza” ko‘chalari kesishmasida ta’mirlash ishlari ketmoqda

Yog‘ingarchilik mavsumida Toshkent shahrining ayrim ko‘chalarida suv toshishi bilan bog‘liq holatlarni bartaraf etish maqsadida irrigatsiya tarmoqlarini ta’mirlash ishlari amalga oshirilishi rejalashtirilgan. Bu haqda shahar hokimligi matbuot xizmati ma’lum qildi.

Shu munosabat bilan 1—3-fevral kunlari Shayxontohur tumani “Qoratosh” va “Samarqand darvoza” ko‘chalari kesishmasi yaqinida (“Korzinka” supermarketi oldida) ta’mirlash ishlari amalga oshiriladi.

Poytaxt ma’muriyati vaqtinchalik noqulaylik uchun uzr so‘ragan.