O‘zbekistonda V.I.Romanovskiy nomidagi matematika instituti faoliyati tubdan takomillashtiriladi

Matematika ta’limi va fanlarini yanada rivojlantirishni davlat tomonidan qo‘llab-quvvatlash, shuningdek, O‘zbekiston Respublikasi Fanlar akademiyasining V.I.Romanovskiy nomidagi matematika instituti faoliyatini tubdan takomillashtirish chora-tadbirlari to‘g‘risidagi Prezident qarori qabul qilindi, bu hadqa Adliya vazirligining “Huquqiy-axborot” Telegram-kanali xabar qiladi.

Qaror bilan Matematika fanini rivojlantirish va V.I.Romanovskiy nomidagi Matematika instituti faoliyatini takomillashtirishning ustuvor vazifalarini amalga oshirishni nazarda tutuvchi maqsadli dastur tasdiqlandi.

Dasturga muvofiq, har yilgi “Ilm-fan yetakchisi” respublika tanlovi o‘tkaziladi.

2020-yildan ilmiy laboratoriyalar va ilmiy xodimlarning faoliyati har yili Fanlar akademiyasi tashkil etadigan maxsus komissiya tomonidan baholanadi.

Institut tuzilmasida Yosh matematiklar o‘quv markazi tashkil etiladi.

Fan va texnologiyalar bo‘yicha respublika kengashi tashkil etildi.

Kengashning asosiy vazifasi fan va texnologiyalar sohasida yagona davlat siyosatini shakllantirish hisoblanadi.