Guvoh tariqasida so‘roqqa chaqirilgan Almazbek Atamboyev IIV tergov boshqarmasiga kelmadi

9-iyul kuni guvoh sifatida chaqirilgan Qirg‘iziston sobiq prezidenti Almazbek Atamboyev Qirg‘iziston Ichki ishlar vazirligi tergov boshqarmasiga kelmadi. Bu haqda Sputnik xabar qiladi.

“Almazbek Atamboyevda sobiq prezident daxlsizligi hali mavjud. Huquq-tartibot organ xodimlarida uni so‘roqqa chaqirtirish vakolati yo‘q”,— deya Atamboyevning yuridik vakili Sergey Slesarev ma’lum qildi.

Atamboyev guvoh sifatida so‘roqqa chaqirtirilgandi. Biroq u borishdan bosh tortdi. Uning fikriga ko‘ra, “hukumat huquqiy maydondan chetga chiqdi”.

Hozirgi vaqtda Qirg‘iziston IIV jinoiy avtoritet Aziz Batukayev ozod qilinishi bo‘yicha ishni tergov qilmoqda.