Surxondaryoda 117 yoshli fuqaroga biometrik pasport beriladi

Joriy yilning 9-mart kuni Surxondaryo viloyati ichki ishlar boshqarmasi XChK va FRB tomonidan Denov tumani “Yangiobod” QFY Namozgoh mahalla fuqarolar yig‘inida yashovchi 1900-yilda tug‘ilgan fuqaro Baymatova Xadichaning uyiga ko‘chma bio-mobil qurilmasida borilib, nomiga pasport olish uchun biometrik va biografik ma’lumotlari olindi hamda talabnoma shakllantirildi. Bu haqda Surxondaryo IIB “Daryo”ga ma’lum qildi.

Ushbu talabnoma asosida O‘zbekiston Respublikasi Vazirlar Mahkamasi huzuridagi Davlat personallashtirish markazi tomonidan biometrik pasport personallashtirilishi bilan yana 117 yoshli ayolning uyiga boriladi va belgilangan tartibda pasporti beriladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!