Yashnoboddagi uyning tomi alanga oldi

30-iyul kuni soat 16:31 da Yashnobod tumani, Mumtoz ko‘chasi, 2-uyning tom qismi 40 kvadrat metr maydonda yongan. Bu haqda Toshkent shahar yong‘in xavfsizligi boshqarmasi ma’lum qildi.

Yong‘in o‘chirish jangovar bo‘linmalari chaqirilgan manzilga soat 16:40 da yetib borgan. Ko‘rilgan tezkor choralar natijasida yong‘in soat 16:53 da qurshab olinib, 16 daqiqadan so‘ng bartaraf etilgan.

Hodisa joyiga 2 ta o‘t o‘chirish texnikasi jalb qilingan.Yong‘indan uyning 80 kvadrat metr maydonidagi qurilmalari saqlab qolingan.

Yong‘in elektr simlarni qisqa tutashuvi oqibatida sodir bo‘lgan deb taxmin qilinmoqda. Keltirilgan moddiy zarar miqdori aniqlanmoqda.