Vladimir Zelenskiyning ofis rahbari iste’foga chiqish to‘g‘risida ariza yozdi

Ukraina prezidenti Vladimir Zelenskiy ofisining rahbari Andrey Bogdan AQSh tomonidan bo‘layotgan bosimlar sabab lavozimidan bo‘shash to‘g‘risida ariza yozdi, deb xabar berdi “Liga.Novosti”.

Xabar qilinishicha, ishdan bo‘shash to‘g‘risidagi ariza Zelenskiyga 1-avgust kuni topshirilgan.

Ma’lumotlarga ko‘ra, Bogdan Vladimir Zelenskiy ofisi rahbari AQSh prezidenti Donald Tramp bilan uchrashuvni tashkillashtira olmagani sabab iste’fo so‘ragan.

Manbalarning ta’kidlashicha, Amerika rahbarining administratsiyasi 2020-yilda o‘tkaziladigan saylovlar sabab ukrainalik hamkasbi bilan uchrashishdan xavfsiramoqda. Amerika tomoni Bogdanning ilgari oligarx Igor Kolomoyskiy bilan munosabatda bo‘lganligidan norozi bo‘lgan.