“Manchester Siti” Angliya futboli tarixida qayd etilmagan natijaga erishdi
“Manchester Siti” 4-avgust, yakshanba kuni bo‘lib o‘tgan Angliya Superkubogi uchrashuvida “Liverpul”ni mag‘lub etdi va sovringa ega chiqdi (1:1, 5:4 — penaltilar seriyasi).
Shu bilan birga, “shaharliklar” bir yilda 4 ta sovrinni qo‘lga kiritgan Angliya futboli tarixidagi ilk jamoaga aylandi.
Eslatib o‘tamiz, Pep Gvardiola shogirdlari 2019-yil mamlakat Kubogi finalida “Uotford” darvozasiga javobsiz 6 ta gol urgandi (6:0). Klub Angliya Liga Kubogi finalida “Chelsi”dan ustun kelgandi (0:0, 4:3 — penaltilar seriyasi). Bundan tashqari “mankunianlar” “Liverpul”ni Premyer Liga jadvalida bir ochkoga ortda qoldirib, musobaqa chempioniga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz
ОПРОС
34)
(
0)
(
32)
(
2)
