Haydovchi YPX inspektorining to‘xtash haqidagi ishorasiga bo‘ysunmadi
Mirzo-Ulug‘bek ko‘chasida qarama-qarshi harakat yo‘nalishi bo‘ylab harakatlanayotgan Lacetti rusumli avtomobil Toshkent shahar IIBB YPX inspektorlarining nazariga tushdi, bu haqda Toshkent shahar Ichki ishlar boshqarmasi matbuot xizmati xabar qildi.
Internet tarmog‘ida tarqalgan videolavhada ma’lum qilinishicha, bugun, 7-avgust kuni taxminan soat 12:15 da Mirzo-Ulug‘bek ko‘chasida qarama-qarshi harakat yo‘nalishi bo‘ylab harakatlanayotgan Lacetti rusumli avtomobil Toshkent shahar IIBB YPX inspektorlarining nazariga tushgan.
Haydovchi YPX inspektorining to‘xtash haqidagi ishorasiga bo‘ysunmagan. Hozirgi vaqtda avtomobil davlat raqami (90H295LA) va egasi aniqlandi. Guvohlarning biri tomonidan videoga tushirilgan vaqtda avtomobilni boshqargan va qoidabuzarlik qilgan haydovchini qo‘lga olish bo‘yicha choralar ko‘rilmoqda.
Manba: Daryo.uz