Toshkentda boshlang‘ich to‘lovsiz Spark olib berish bahonasida 64 yoshli ayolni 22 mln so‘mga tushirgan shaxs ushlandi

Joriy yilning mart oyida Mirobod tumanida 41 yoshli Bahodir S. o‘zining qarindoshi bo‘lgan 64 yoshli Murshida Yu.ga imtiyozli kredit asosida boshlang‘ich to‘lovsiz Spark avtotransport vositasini olib berishni va’da qiladi, deb xabar beradi Toshkent shahar IIBB matbuot xizmati.

Buning uchun u Murshidadan 22 000 000 so‘m pullarini olib, va’dasini bajarmasdan, pullarni o‘z ehtiyojlari uchun sarflab yuboradi.

Ushbu fakt bo‘yicha O‘zbekiston Respublikasi Jinoyat kodeksining 168-moddasi (firibgarlik) bilan jinoiy ish qo‘zg‘atildi.