Turli rangdagi soch sohibalarini odatda qanday tasavvur qilishadi?

Tadqiqotlar shuni ko‘rsatdiki, notanish odamlar siz va fe’l-atvoringiz haqida sochingiz rangiga qarab taassurot hosil qiladi. Xo‘sh, sariq, qizil va qora sochli xotin-qizlarni ko‘rganda qanday tasavvurlar uyg‘onadi?

Tanishish oson

2012-yilda olimlar olib borgan tajriba erkaklar qora yoki qizil sochilalarga nisbatan, sariq sochli qizlar bilan tanishishda o‘zlarini qulayroq his qilishini ko‘rsatdi.

O‘ta talabchan

Shunga o‘xshash boshqa bir tadqiqotda esa erkaklar sariq sochli ayollarni eng talabchan deb hisoblashi ma’lum bo‘ldi.

Ulardan qo‘rqishadi

Talabalar ishtirokidagi tadqiqotda esa sariq sochlilarni tajovuzkor hamda o‘z niyatiga erishishda hech narsadan toymaydigan deb hisoblashlari aniqlandi.

Shifokorlar xush ko‘rmaydi

Tibbiy xodimlar doirasida qizil sochli bemorlar og‘riq hissi kuchliligi (ya’ni, ular ko‘p miqdorda anesteziyaga ehtiyoj sezadi), churralarga moyilligi va o‘ta ko‘p qon yo‘qotishi bilan “mashhur”.

Injiq deb hisoblaniladi

Qizil sochlilar haqidagi statistik tadqiqotlar orqali tasdiqlangan asosiy stereotiplardan biri — ularning injiq, qaysar va qiziqqonligi.

Aqlli deb hisoblashadi

2005-yilda o‘tkazilgan tadqiqotda erkaklarga bir ayolning turli rangdagi sochlar bilan aks etgan suratlari ko‘rsatilganida, uning qora sochli “varianti” eng aqlli deb topilgan edi.

Ularga ko‘proq maosh to‘lashni istashadi

1996-yilda ham shunga o‘xshash tajriba o‘tkazilgan edi: ishtirokchilarga ish qidirayotgan ayollarning suratli rezyumelari berib chiqildi, ammo undagi “ayollar” bir ayolning turli rangdagi parik kiygan suratlari edi. Qora sochlining rezyumesi sariq va qizil sochlinikiga nisbatan yuqoriroq baholandi. Maosh borasida ham ishtirokchilar qora sochli ayolga kattaroq oylik belgilashni taklif qilishdi.

Manba: “Zdorovie.com”