“Manchester Yunayted” so‘nggi 17 yillikdagi eng yomon natijasini qayd etdi

Futbol bo‘yicha Angliya Premyer Ligasining 6-turida “Manchester Yunayted” safarda “Vest Hem” mehmoni bo‘ldi.

Ushbu bellashuvda Ole-Gunnar Sulsher jamoasi raqibiga 0:2 hisobida imkoniyatni boy berdi. Qayd etish joiz, “Yunayted” ketma-ket 11 ta safar o‘yinida gol o‘tkazib yubordi. Jamoa bu uchrashuvlarda kamida bittadan gol o‘tkazgan.

“Qizil iblislar” bunday natijani 2002-yildan beri qayd etmagandi. O‘shanda jamoa ketma-ket 14 ta safar o‘yinida to‘p o‘tkazib yuborgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!