Dilmurod Qodirov Norin tumani hokimi etib tayinlandi

Xalq deputatlari Norin tuman kengashining navbatdan tashqari sessiyasi bo‘lib o‘tdi. Bu haqda “Daryo” muxbiri ma’lum qildi. 

Sessiyada tashkiliy masala ko‘rildi. Tumanni 2012-yildan beri boshqarib kelayotgan A’zamjon Sultonov lavozimidan ozod etildi. U bilan birga tuman ichki ishlar bo‘limi va soliq inspeksiyasi boshliqlari ham ishdan bo‘shatilgani bildirilmoqda. 

Namangan viloyati hokimi Xayrullo Bozorov tuman hokimi lavozimiga shu paytgacha viloyat hokimining qishloq va suv xo‘jaligi masalalari bo‘yicha o‘rinbosari bo‘lib ishlab kelgan Dilmurod Qodirovni tavsiya etdi. 

Deputatlar nomzodni ma’qulladi va tasdiqladi. 

“Daryo”ning YouTube’dagi rasmiy sahifasiga obuna bo‘ling