Bektemirda 100 grammdan ortiq marixuana saqlagan shaxs qo‘lga olindi

Bektemir tumanida giyohvandlik moddasini qonunga xilof ravishda saqlagan shaxs qo‘lga olindi. Bu haqda Toshkent shahar IIBB matbuot xizmati xabar berdi.

2017-yilning 1-avgust kuni, ichki ishlar idoralari xodimlari tomonidan Bektemir tumanida joylashgan “Sharq” YPX maskanida o‘tkazilgan “Qora Dori-2017” tadbiri davomida, fuqaro Tohir Ro‘ziboyevdan (ism-shariflar o‘zgartirilgan) og‘irligi 103,74 gramm bo‘lgan marixuana giyohvandlik vositasi aniqlanib olingan.

Mazkur holat yuzasidan Bektemir tumani IIB huzuridagi Tergov bo‘limi tomonidan O‘zbekiston Respublikasi JKning 276-moddasi 2-qismi “a” bandi (giyohvandlik vositalarini o‘tkazish maqsadini ko‘zlamay, ko‘p miqdorda qonunga xilof ravishda saqlash) alomatlari bilan jinoyat ish qo‘zg‘atilgan.

“Daryo” yangiliklarini Facebook’da kuzatib boring