Ispaniya konstitutsion sudi Kataloniyaning mustaqilligi haqidagi qonunni to‘xtatib qo‘ydi

Ispaniya konstitutsion sudi Kataloniyaning qirollik tarkibidan chiqishini belgilaydigan qonunning amal qilishini to‘xtatib qo‘ydi. Bu haqda “TASS” xabar bermoqda.

Aytilishicha, konstitutsion sud mamlakat hukumatining da’vosini ko‘rib chiqib, shunday xulosaga keldi.

Kataloniya rasmiylari ko‘pdan buyon mamlakat tarkibidan ajralib chiqish harakatlarini olib bormoqda. Yaqinda muxtor mintaqada mustaqillik referendumi o‘tkazilishi rejalashtirilmoqda. Markaziy hukumat bunga qarshilik ko‘rsatish maqsadida konstitutsion sudga qator da’volar kiritdi.

“Daryo” yangiliklarini Facebook’da kuzatib boring