O‘zbekistonlik deputat Rossiya qamoqxonasida ochlik e’lon qilgan yigitni himoya qilib Ramzan Qodirovga murojaat yo‘lladi

O‘zbekistonlik deputat Alisher Qodirov Rossiyaga uchuvchilikka o‘qish uchun kelgan va bir yildan beri Moskvadagi “Matrosskaya tishina” qamoqxonasida saqlanayotgan O‘zbekiston fuqarosi Ma’rufjon Shakarovni himoya qilib, Checheniston rahbari Ramzan Qodirovga murojaat yo‘lladi.

“Hurmatli Ramzan Ahmatovich! Sizga Oliy yaratuvchining sifatlaridan biri bo‘lgan familiya sohibi sifatida murojaat qilmoqdaman. Nahotki Rossiya kabi buyuk davlatda politsiya serjanti ilm izlab kelgan yigit bilan shunday nohaq yo‘l tutishi mumkin?” — deb yozadi deputat Qodirovga murojaatida.

Eslatib o‘tamiz, avvalroq bir yildan beri hibsda saqlanayotgan Ma’rufjon Shakarov ochlik e’lon qilganligiga bir oydan oshganligi haqida xabar berilgan edi.