“Real Madrid” Teo Ernandesni ijaraga berib yubordi

“Real Madrid” himoaychisi Teo Ernandes faoliyatini “Real Sosyedad”da davom ettiradigan bo‘ldi. Bu haqda “basklar” sayti ma’lum qildi.

Teo bir mavsum davomida “Sosyedad”ga ijaraga berildi.

Ernandes yangi jamoasida tibbiy ko‘rikdan o‘tib, rasman ommaga tanishtirib ulgurildi. “Basklar” futbolchi ijarasi uchun pul to‘lamaydi. Faqat futbolchining maoshini to‘lashi ko‘zda tutilgan.

Ma’lumot uchun 20 yoshli futbolchi 2017-yil yozida Madridning “Atletiko” jamoasidan “Real”ga o‘tgandi. “Qirollik klubi” Teo uchun hamshaharlariga 26 million yevro to‘lagan.

Teo Ernandes Fransiya U19 safida o‘tgan yili 9 ta bellashuvda ishtirok etgandi.