Shimoliy Koreya yangi qurolni sinovdan o‘tkazdi

KXDR yetakchisi Kim Chen In yaqinda ishlab chiqilgan qurolning sinovdan o‘tkazilishini nazorat qildi. Bu haqda Janubiy Koreyaning “Ryonxap” agentligi Shimoliy Koreya Markaziy televideniyesiga tayanib xabar berdi.

“Partiyamizning jadal rahbariyati yetakchiligida uzoq vaqt davomida ishlab chiqilgan eng yangi qurol bizning hududimiz xavfsizligini to‘liq ta’minlash va xalqimiz jangovarlik quvvatini ahamiyatli darajada oshirish mazmunini o‘z ichiga oladi”, — deyiladi xabarda.

Ta’kidlanishicha, sinovlar muvaffaqiyatli kechgan. Gap aynan qanday qurol haqida borayotganiga aniqlik kiritilmayapti.

Avvalroq Strategik va xalqaro tadqiqotlar markazi Shimoliy Koreyada 13 ta maxfiy raketa bazalari topilganini ma’lum qilgan edi.