Farg‘onada 5 kunlik chaqaloqni 500 dollarga sotmoqchi bo‘lgan hamshiralar qo‘lga olindi

Departamentning Farg‘ona viloyat boshqarmasi va Qo‘qon shahar bo‘limi xodimlari tomonidan huquqni muhofaza qiluvchi organlar bilan hamkorlikda tezkor tadbir o‘tkazildi, deb xabar berdi Bosh prokuratura matbuot xizmati.

O‘tkazilgan tezkor tadbirda O‘zbekiston tumanining tibbiyot birlashmasiga qarashli tug‘ruqxona bo‘limi hamshiralari A.I va R.Qlar, fuqaro G.Tning 5 kunlik o‘g‘il farzandini tug‘ruqxona bo‘limida fuqaro M.Rga 500 AQSh dollariga sotayotgan vaqtida ashyoviy dalillar bilan ushlangan.

Mazkur holat yuzasidan A.I va R.Qlarga nisbatan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.