Deputatlar Qurilish vaziri lavozimiga Botir Zokirov nomzodini ma’qulladi

Oliy Majlis Qonunchilik palatasi deputatlari Qurilish vaziri lavozimiga Vazirlar Mahkamasi tomonidan taqdim etilgan Botir Zokirov nomzodini ma’qulladi.

Abduqahhor To‘xtayev Shayxontohur tumani hokimi etib tayinlanganligi munosabati bilan ushbu lavozim vakant bo‘lib turgan edi.

Botir Zokirov 1963-yili Toshkentda tug‘ilgan. 1988-yilda Toshkent politexnika institutini tamomlagan. Mehnat faoliyatini 1980-yili Toshkent asbobsozlik zavodi yig‘uvchi-chilangarligidan boshlagan.

Botir Zokirov 2011—2018-yillarda Davlat arxitektura va qurilish qo‘mitasi raisi vazifasida mehnat qilgan. 2018-yildan buyon Qurilish vazirining birinchi o‘rinbosari lavozimida ishlab kelayotgandi.