Anzur Ismoilov O‘zbekiston terma jamoasidagi faoliyatini yakunladi

Toshkentning “Lokomotiv” klubi himoyachisi Anzur Ismoilov O‘zbekiston milliy terma jamoasidagi faoliyatini tugatishga qaror qildi. Bu haqda Anzurning o‘zi rasman ma’lum qildi.

“Terma jamoada ozmi-ko‘p o‘ynadim va doim bor kuchim bilan yordam berishga harakat qildim. Buyog‘iga e’tiborimni faqat klub futboliga qaratmoqchiman. O‘z fikrimni O‘FA terma jamoalar bo‘limiga yetkazdim. O‘ylaymanki, ular meni to‘g‘ri tushunadi. Jahon Chempionati saralash bahslarida bosh jamoamizga omad tilab qolaman”, — deydi Anzur Ismoilov.

Ma’lumot uchun, Anzur Ismoilov milliy jamoada 104 ta uchrashuvda maydonga tushib, 3 ta golga mualliflik qilgan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!