Yangiyerda profilaktika kuni 4 mahallada sayyor qabul o‘tkazildi

Sirdaryo viloyatining Yangiyer shahrida “Xalq bilan muloqot va inson manfaatlari yili” Davlat dasturida belgilangan vazifalar ijrosi doirasida shahardagi 950 xonadonning turmush sharoiti o‘rganildi. Bu haqda O‘zA xabar bermoqda.

Ular tomonidan ko‘tarilgan masalalarni joyida bartaraf etish choralari ko‘rildi. Tuman ichki ishlar bo‘limida muqaddam sudlangan shaxs sifatida profilaktik hisobda turgan 42 va oilasida muntazam muammolar bo‘ladigan 12 kishi bilan yakka tartibda suhbat o‘tkazildi.

Sodir etilgan har bir jinoyat va huquqbuzarlik aholi o‘rtasida muhokama qilinmoqda. Profilaktika kuni joriy etilgandan buyon hisobda turgan shaxslar va ularning oila a’zolari bilan suhbat, ta’lim muassasalarida “Davomat” tadbirlari o‘tkazildi, 2 ming 137 oiladagi muhit o‘rganildi. 14 pasport-viza, bitta doimiy yoki vaqtincha yashash qoidalari buzilgan holat aniqlanib, tegishli tartibda choralar ko‘rildi.

D.Usmonov, Yangiyer shahar ichki ishlar bo‘limi boshlig‘i, mayor

30-martda bo‘lib o‘tgan navbatdagi profilaktika kuni “Shodlik”, “Ma’rifat”, “Obod yurt” va Abdurahmon Jomiy nomidagi mahalla fuqarolar yig‘inlarida mas’ul tashkilotlar vakillari ishtirokida aholi bilan ochiq muloqotlar o‘tkazildi. Fuqarolar murojaatlarini hech qanday to‘siqlarsiz ko‘rib chiqish, mavjud muammo va ijtimoiy-huquqiy masalalarda aholiga yaqindan yordam ko‘rsatish maqsadida sayyor qabullar tashkil etildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!