Suriya muxolifati: Bashar Asad tuzumi hokimiyatni topshirish masalasini muhokama qilishni istamayapti

Suriya muxolifatining ma’lum qilishicha, prezident Bashar Asadning “terrorchilik tuzumi” BMT tomonidan tashkil etilgan muzokaralar chog‘ida mamlakatda siyosiy hokimiyatni o‘zgartirish masalasini muhokama qilishdan bosh tortmoqda. Bu haqda “Gazeta.ru” xabar bermoqda.

“Ular faqat terrorchilikka qarshi kurash haqidagi gap-so‘zlarni takrorlashdan nariga o‘tmayapti, vaholanki, ularning o‘zi mintaqaga terrorchilikni jalb etmoqda, ular barcha turdagi qurollardan foydalanib bo‘ldi, ular qurshovga olish va kimyoviy qurollaridan foydalandi”, — dedi Suriya muxolifati delegatsiyasi rahbari Nosir al-Haririy.

Haririy bu bayonotni BMT bosh kotibining Suriya bo‘yicha maxsus vakili Staffan de Mistura bilan uchrashuvdan so‘ng bergan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!