Paragvay prezidenti namoyishlardan so‘ng IIV rahbarini iste’foga chiqardi

Paragvay prezidenti Orasio Kartes ichki ishlar vaziri Tadeo Roxas va mamlakat IIVning bir qator yuqori mansab egalarini iste’foga chiqardi. Bu haqda Associated Press xabar bermoqda, deb yozadi “Gazeta.ru”.

Mansabdorlar mamlakatdagi ommaviy namoyishlar va muxolifat partiyaga rahbarlik qilgan yigitning o‘limidan so‘ng iste’foga chiqarilganligi ma’lum qilinmoqda.

Xalq noroziligiga mamlakat senatining maxfiy ovoz berishi sabab bo‘ldi. Unda konstitutsiyaga prezidentga qayta saylanish imkonini beruvchi tuzatish kiritish ma’qullandi. Namoyish ishtirokchilari, shuningdek, kongress binosiga o‘t qo‘ydi.

Namoyishlar davomida o‘nlab odamlar, jumladan, politsiya ofitserlari hibsga olindi. “Daryo”ning Telegram’dagi rasmiy kanali — @toshqindaryo’ga a’zo bo‘ling!