Polsha kompaniyasi “Navoiy” EIZda bir nechta loyihani amalga oshirmoqchi

Polshaning ELQ-SA va PromacSpZoo kompaniyalari delegatsiyasi “Navoiy” erkin iqtisodiy zonasiga tashrif buyurdi, deb yozadi UzDaily. Polsha kompaniyalari energetika qurilmalarini ishlab chiqarish sohasida tajribaga ega.

Muzokaralar chog‘ida tomonlar ELQ-SA xalqaro energetika kompaniyasi bilan uzoq muddatli hamkorlikni yanada kengaytirish istiqbollarini muhokama qildi.

Xususan, tomonlar sanoat va kommunal sektorlarda qo‘llaniladigan transformator quyi stansiyalari va dizel generatorlarini ishlab chiqarishni yo‘lga qo‘yish bo‘yicha qator loyihalar va dasturlarni ko‘rib chiqdi.

Uchrashuv yakunlariga ko‘ra, ELQ-SA energetika kompaniyasi va Energetika bo‘yicha qo‘shma loyihalarni amalga oshirish sohasidagi direksiya o‘rtasida Hamkorlik niyati haqida memorandum imzolandi.