Bektemir Meliqo‘ziyev prof ringdagi uchinchi jangida ham nokaut orqali g‘alaba qozondi

Professional boksning super o‘rta (-76,2 kg) vazn toifasida ringga ko‘tarilayotgan o‘zbekistonlik Rio—2016 Olimpiadasi sovrindori Bektemir Meliqo‘ziyev (3-0, 3 KO) o‘zining uchinchini jangini o‘tkazdi.

Ushbu jangda Bektemir Meliqo‘ziyevga amerikalik Kley Kollard (4-2-3, 1 KO) raqiblik qildi. Sakkiz raundga mo‘ljallangan reyting jangi to‘rtinchi raundda Bektemirning muddatidan oldingi g‘alabasi bilan tugadi. O‘zbekistonlik bokschi raqibining tana qismiga kuchli zarbalar berish oraqli avval raqibini nokdaun, keyin esa nokaut holatiga tushirib qo‘ydi.

Jang videosini Telegram’dagi @ufcboxuz kanali orqali tomosha qilishingiz mumkin!

Shu tariqa Meliqo‘ziyev prof ringdagi uchinchi jangida ham muddatidan avval g‘alaba qozondi.

Endi o‘zbekistonlik bokschi 26-noyabr kuni navbatdagi jangini o‘tkazishi kutilmoqda.4