Xiva tumanini kompleks rivojlantirish bo‘yicha hukumat qarori imzolandi

Hukumat qarori bilan 2019—2020-yillarda Xorazm viloyatining Xiva tumanini kompleks ijtimoiy-iqtisodiy rivojlantirish chora-tadbirlari dasturi tasdiqlandi. Bu haqda “Huquqiy axborot” xabar berdi.

Dasturning asosiy ustuvor yo‘nalishlaridan biri tumanni ijtimoiy-iqtisodiy jihatdan yanada rivojlantirish, aholining, xususan yoshlar va kam ta’minlangan fuqarolarning bandligini ta’minlash orqali ularning daromadlarini va turmush darajasini oshirishdan iborat.

Dasturga ko‘ra, sanoat, xizmat ko‘rsatish, qishloq xo‘jaligi, ijtimoiy infratuzilma va boshqa sohalarni rivojlantirish uchun jami 187 ta loyihani amalga oshirish va 674 ta yangi ish o‘rnini yaratish nazarda tutilgan.