IIV ikki yigitni “samosud” qilgan mushtumzo‘rlarni izlashni boshladi (video)

Ichki ishlar vazirligi axborot xizmati 13-dekabr, juma kuni ijtimoiy tarmoqlarda tarqalgan bir guruh shaxslar tomonidan ikki nafar o‘smir yigitning haqorat qilinib, kaltaklangani aks etgan videoga munosabat bildirdi.

IIV axborot xizmatining ma’lum qilishicha, o‘rganishlar natijasiga ko‘ra bugungi kunga qadar ichki ishlar organlari navbatchilik qismlariga videodagi holat yuzasidan hech kim murojaat qilmagan. Lekin aybdorlarga nisbatan chora ko‘rish va qonun ustuvorligini ta’minlash maqsadida fuqarolardan Telegram’ning @muloqot_maydoni manzili yoki telefon orqali hodisa yuzasidan ma’lumotlarni taqdim etish so‘ralgan.

Xabar bergan fuqaroning shaxsi sir saqlanishi kafolatlangani eslatilgan.