O‘zbekistonda TIVda Toshkentda bo‘lib turgan Moldova tashqi ishlar vaziri o‘rinbosari bilan uchrashuv bo‘lib o‘tdi

O‘zbekiston Tashqi ishlar vazirligida Toshkentdagi MDH Tashqi ishlar vazirlari kengashining navbatdagi yig‘ilishida Moldova nomidan qatnashish uchun kelgan Moldova Tashqi ishlar va Yevropa bilan integratsiya vaziri o‘rinbosari Lilian Dariy bilan 6-aprel kuni uchrashuv bo‘lib o‘tdi.

O‘zbekiston TIV matbuot xizmati axborotiga ko‘ra, uchrashuvda turli sohalardagi ikki tomonlama munosabatlar holati va istiqbollari muhokama qilingan.

Shuningdek, siyosiy va savdo-iqtisodiy sohalarda o‘zaro hamkorlikni kuchaytirishdan hamda madaniy-gumanitar almashinuvlarni yanada rivojlantirish va “xalqlarimiz o‘rtasidagi an’anaviy aloqalarni mustahkamlash”dan ikki tomon ham manfaatdor ekanligi ta’kidlangan.

“Suhbat chog‘ida xalqaro va mintaqaviy muammolar yuzasidan ham fikr almashildi”, — deyiladi TIV axborotida.

“Daryo”ning Telegram’dagi rasmiy kanali — @toshqindaryo’ga a’zo bo‘ling!