Dovon yo‘lida Isuzu’ning YTHga uchrashi oqibatida bir nafar haydovchi halok bo‘ldi (foto)

Namangan viloyati Pop tumani hududidan o‘tgan A-373 “Toshkent—O‘sh” yo‘lida sodir bo‘lgan YTH oqibatida bir nafar haydovchi halok bo‘ldi. Bu haqda IIV YHXBB axborot xizmati xabar berdi.

Hodisa 28-dekabr kuni soat 17:10 larda sodir bo‘lgan. Toshkent viloyati Yuqorichirchiq tumanida yashovchi 1994-yilda tug‘ilgan D.O. Isuzu rusumli yuk avtomobilini boshqarayotib, yo‘lni ikkiga ajratib turuvchi temir to‘siqqa urilib, ag‘darilgan.

Shundan so‘ng, avtomobil qarama-qarshi yo‘nalishga o‘tib ketib, qarshisidan harakatlanib kelayotgan Cobalt rusumli avtomobili bilan to‘qnashuv sodir etgan. Natijada Isuzu rusumli avtomobil haydovchisi D.O. voqea joyida halok bo‘lgan.

Mavzuga doir: Surxondaryoda Isuzu beton to‘siqdan sakrab o‘tayotgan piyodani urib yubordi

Dastlabki ma’lumotlarga ko‘ra, hodisa Isuzu haydovchisining xavfli burilishda harakat xavfsizligini ta’minlay olmaganligi oqibatida sodir bo‘lgan.