Andijonda uxlab qolgan Mercedes haydovchisi simyog‘ochga urildi. Yo‘lovchilardan biri vafot etgan

4-yanvar kuni soat 08:10 larda Andijon viloyati Xo‘jaobod tumanidan o‘tuvchi yo‘lda Mercedes rusumli mashina boshqaruvni yo‘qotib, simyog‘ochga urilgan, deb xabar beradi IIV YHXBB axborot xizmati.

Fojia oqibatida mashina ichida bo‘lgan 45 yoshli marg‘ilonlik yo‘lovchi tan jarohatlari olib, shifoxonada vafot etgan. 1964-yilda tug‘ilgan yana bir yo‘lovchi esa hozirda shifokorlar nazoratida.

Mavzuga doir: Kelesda Mercedes mingan mast haydovchi 1-yanvar tongida yo‘l chetida turgan tengdoshini bosib ketdi

Dastlabki ma’lumotlarga ko‘ra yo‘l-transport hodisasi haydovchining transport vositasini boshqarish vaqtida uxlab qolishi, buning natijasida rul boshqaruvini yo‘qotib, yo‘l chetidagi temir simyog‘ochga urilishi oqibatida sodir bo‘lgan.