AQSh davlat departamenti Eron Iroqdagi so‘nggi hujumlaridan oldin ham Amerika qurolli kuchlariga 14 marta hujum qilganini aytdi

AQSh davlat departamenti Eronning 2019-yilning sentabridan buyon Amerika qurolli kuchlari pozitsiyalariga go‘yoki 14 marta hujum uyushtirgani haqidagi statistikani taqdim etdi, deb xabar berdi “TASS”.

“Iroqdagi obyektlarga hujumga qadar Eron va u qo‘llab-quvvatlaydigan kuchlar tomonidan AQSh qurolli kuchlariga nisbatan 14 ta hujum amalga oshirilgan”, — deyiladi davlat departamenti xabarida.

Eslatib o‘tamiz, 8-yanvar kuni Eron AQShning Iroqdagi harbiy bazalariga raketa zarbalari bergani ma’lum bo‘ldi. Eron tashqi ishlar vaziri Javod Zarif AQSh harbiy bazalariga uyushtirilgan hujumni “munosib javob” va “o‘z-o‘zini mudofaa qilish” deb atadi.

Eronning AQSh harbiy bazalariga bergan zarbalaridan keyin oltin va neft narxi qimmatlashdi.

Bugun, 9-yanvar kuni Bag‘dod shahridagi “yashil hudud” yana o‘qqa tutildi. Ma’lumotlarga ko‘ra “yashil hudud”ga ikki yoki uchta raketa kelib tushgan. Bu “Katyusha” tipiga oid raketa ekanligi aytilmoqda.

Mavzuga doir: