Narimon Grigoryanni o‘ldirishda gumon qilinayotgan shaxs qamoqqa olindi

Taniqli dizayner va xoreograf Narimon Olimjonov (Grigoryan)ni o‘ldirishda ayblanayotgan shaxs qamoqqa olindi. Bu haqda Toshkent shahar prokuraturasi xabar berdi.

Prokuratura qo‘lga olingan shaxsga nisbatan Jinoyat kodeksining 97-moddasi 1-qismi (qasddan odam o‘ldirish) moddasi bilan ayb e’lon qilgan.

“Tergov yakuni bo‘yicha batafsil axborot beriladi”, — deyiladi prokuratura axborotida.

Avvalroq, 14-yanvar kuni Narimon Grigoryan o‘zi ijarada yashaydigan uyda o‘ldirib ketilgani haqida xabar berilgan edi. Ma’lumotlarga ko‘ra, uning murdasi uyda uch kun qolib ketgan.

Mavzuga doir: “Orqasidan yig‘laydigan odamlar qolibdimi, u bekorga yashamagan”. Shou-biznes vakillari dizayner Narimon Grigoryanni xotirlamoqda