Deputat Aktam Haitov saylovdan so‘ng xalq bilan birinchi marotaba uchrashayotganini tan oldi

2020-yil 31-yanvar kuni Dehqonobod Kaliy zavodida ishchilar va aholi vakillari bilan uchrashgan Oliy Majlis Qonunchilik palatasi deputati Aktam Haitov, saylovdan so‘ng xalq bilan birinchi marotaba uchrashayotganini tan oldi. Bu haqda zavoddagi uchrashuvda deputatning o‘zi ma’lum qildi, — deya xabar beradi “Daryo” muxbiri.

Oliy Majlis deputatining zavod ishchilari bilan uchrashuvida ishtirok etgan “Daryo” muxbiri Aktam Haitovning saylovdan so‘ng, xalq bilan necha marotaba muloqot qilgani bilan qiziqdi.

Savolga javob bergan deputat Aktam Haitov saylovdan so‘ng, ishlari ko‘paygani bois mazkur uchrashuv saylovchilari bilan dastlabkisi ekanligini tan oldi.

Eslatib o‘tamiz, O‘zLiDeP Markaziy kengashi rahbari Aktam Haitov Oliy Majlis Qonunchilik palatasi deputatligiga dehqonobodlik saylovchilarning ovozi evaziga erishgan.