O‘zbekiston terma jamoasining Belarusga qarshi o‘rtoqlik o‘yini sanasi tasdiqlandi

O‘zbekiston terma jamoasi 2022-yilgi Jahon Chempionati saralash bosqichi doirasidagi o‘yinlardan avval 18—24-fevral kunlari BAAda yig‘in o‘tkazadi.

Mazkur yig‘in doirasida Vadim Abramov qo‘l ostidagi jamoa 23-fevral kuni Dubay shahrida Belarus terma jamoasiga qarshi o‘rtoqlik uchrashuvi o‘tkazadi. Bu haqda O‘zbekiston futbol assotsiatsiyasi rasmiy sayti ma’lum qildi.

Eslatib o‘tamiz, 31-mart kuni O‘zbekiston terma jamoasi JCh—2020 saralashi doirasida Yaman mehmoni bo‘ladi.

Ma’lumot uchun, “oq bo‘rilar” beshta uchrashuvdan so‘ng 9 ochko to‘plagan holda guruhda peshqadam bo‘lib turibdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!