O‘zbekiston terma jamoasi Belarusga qarshi o‘rtoqlik o‘yini o‘tkazadi

O‘zbekiston terma jamoasi 2020-yilning fevral oyida Belarus terma jamoasi bilan o‘rtoqlik o‘yinida qatnashadi.

Belarus futbol federatsiyasi rasmiy saytida ma’lum qilinishicha, “oq qanotlilar” 23-fevral kuni Birlashgan Arab Amirliklaridagi yig‘in doirasida O‘zbekiston terma jamoasiga qarshi o‘rtoqlik o‘yini o‘tkazadi. Uchrashuv Dubay shahrida bo‘lib o‘tishi belgilangan.

Avvalroq Vadim Abramov klublardagi futbolchilarni bezovta qilmaslik uchun martgacha o‘rtoqlik o‘yinlari belgilanmagani, biroq klublarning qishki yig‘inlarida nazorat o‘yinlari tashkil etilishi mumkinligi haqida aytgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!