O‘zbekistonlik bokschi professional ringdagi debyut jangida raqibini 1-raunddayoq nokautga uchratdi
Professional boksning yarim yengil vazn toifasida (-57,15 kg) o‘zbekistonlik Abdulhay Shorahmatov o‘zining debyut jangini 8-fevral, shanba kuni, Filippinning San-Fernando shahrida o‘tkazdi.
To‘rt raundga mo‘ljallangan jangda Shorahmatovga mezbon Benji Ebido raqiblik qildi. Jang 1-raunddayoq yakuniga yetdi. Abdulhay raqibining tana qismiga kuchli zarbalar berib raqibini nokautga uchratdi.
Shu tariqa Shorahmatov professional boksdagi debyutini nokautli g‘alaba orqali nishonladi.
Barcha jang videosini @UFCBOXUZ kanalida tomosha qiling!
Ma’lumot uchun, Shorahmatov Uzbek Tigers jamoasi safida WSB musobaqasi doirasida oltita jang o‘tkazib, ularning barchasida g‘alaba qozongan. -56 kg vazn toifasida uch marta O‘zbekiston chempioniga aylangan. Shuningdek, u Islom birdamlik o‘yinlari g‘olibi sanaladi
Manba: Daryo.uz