Buyuk Britaniya TIV rahbari Vashington Suriyaga yangi raketa zarbalari berishi mumkinligini istisno qilmadi

Vashington Suriyaga yangi raketa zarbalarini berishi mumkin. Bu haqda Buyuk Britaniya tashqi ishlar vaziri Boris Jonson ma’lum qildi, deya xabar beradi “RIA Novosti”

“AQSh o‘zining Suriyadagi harakatlari bilan ochiq-oydin va barchaga tegishli signal berdi. Muhimi, ular buni yana takrorlashi mumkin. Vashingtonning tashabbusni o‘z qo‘liga olishi Suriyadagi vaziyatni butkul o‘zgartirishiga shubha yo‘q”, — deya ta’kidladi Boris Jonson. 

Buyuk Britaniya tashqi ishlar vaziri AQSh va G7 davlatlari bilan “Suriyada urushni yakunlash va mavjud holatni o‘nglash”ga e’tibor qaratish niyatida ekanligini bildirdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!